०६ साउन २०८३, बुधबार
प्रतिनिधिसभा विघटनको मुद्दामा सुनुवाइका लागि आज बुधवार प्रधानन्यायाधीश चोलेन्द्रशमशेर जबराको नेतृत्वमा ५ सदस्यीय पुरानै न्यायाधीश सम्मिलित संवैधानिक इजलासमा पेशी तोकिएको छ ।
सरकारी वकिल पक्षले इजलास पुनर्गठनमा असन्तुष्टि जनाएपनि पुरानै न्यायाधीश सम्मिलित इजलास तोकिएको छ ।
इजलासमा प्रधानन्यायाधीश जबराबाहेक न्यायाधीशहरू दीपककुमार कार्की, मीरा खड्का, ईश्वरप्रसाद खतिवडा र डा. आनन्दमोहन भट्टराई छन् ।
यसअघि इजलासमा सहभागी २ न्यायाधीश तेजबहादुर केसी र बमकुमार श्रेष्ठबारे प्रश्न उठेपछि न्यायाधीश दीपककुमार कार्की र आनन्दमोहन भट्टराईले इजलासमा नबस्ने निर्णय गरेका थिए ।
त्यसपछि प्रधानन्यायाधीश जबराले नयाँ इजलास गठन गरेका थिए । तर इजलास पुनर्गठनमा सरकारी पक्षले असहमति जनाएको छ ।
इजलास गठनमै विवाद देखिएपछि मुद्दाको सुनुवाइ मूल विषयमा प्रवेश गर्न पाएको छैन । मन्त्रिपरिषद्को सिफारिसमा राष्ट्रपतिले प्रतिनिधिसभा विघटन गरेर चुनाव घोषणा गरेपछि सर्वाेच्च अदालतमा मुद्दा परेका छन् ।
