१० असार २०८३, बुधबार
एनएमबि बैंंकले मनाङ जिल्लाका बाढी प्रभावितलाई राहत सामाग्री वितरण गरिएको छ ।
बैंकको मनाङ शाखाका शाखा प्रमुख लभ गुरुङको संयोजकत्वमा शाखाका कर्मचारीहरु, चामे गाउँपालिकाका अध्यक्ष लोकेन्द्र बहादुर घले, सोही गाउँपालिकाका, वडा नं. ५ का अध्यक्ष कैले गुरुङ्ग तथा स्थानीय समुदायको उपस्थितिमा राहत सामाग्री वितरण गरिएको बैंकले जनाएको छ ।
राहत सामाग्रीमा मिनरल वाटर, स्यानिटाईजर र मास्क वितरण गरिएको थियो ।
अचानक मौसम प्रतिकुल भएर बाढीले अलपत्र भई जीवन मरणको दोसाँधमा रहेका तीन जना नावालक सहित गरि ५ जनालाई उक्त राहत वितरणमा गएको टोलीले हेलिकप्टरबाट उद्घार स्वरुप उपचारका लागी एनएमबीले काठमाडौं ल्याएको थियो । उद्धार गरिएका व्यक्तिहरुमा वर्ष ६५ का बुद्धराम गुरुङ्ग, वर्ष ९ का जोह्न गुरुङ्ग, वर्ष ७ की आरध्या गुरुङ्ग, वर्ष ८ की जेनिप गुरुङ्ग र वर्ष २७ की लक्ष्मी गुरुङ्ग रहेका छन् ।
