०१ असार २०८३, सोमबार
अमेरिकाको जलसेनाले आफ्नो सबभन्दा नयाँ तथा विकसित विमानवाहक युद्धपोतमा विस्फोट गराएको छ ।
उक्त युद्धपोत युद्धका लागि तयार छ कि छैन भनी जाँच्नका लागि विस्फोट गरिएको हो । त्यसलाई फुल शिप शक ट्रायल्स नाम दिइएको छ ।
पहिलो विस्फोट शुक्रवार गरिएको हो । आन्ध्र महासागरमा फ्लोरिडाबाट केही पर १८ हजार १४४ किलोको विस्फोट गराइएको हो ।
अमेरिकाको भौगर्भिक सर्वेक्षणका अनुसार, विस्फोटका कारण ३.९ म्याग्निट्युडको भूकम्प गएको छ ।
अमेरिकी जलसेनाले युद्धको कठोर परिस्थितिमा मिसनको आवश्यकता पूरा गर्न नयाँ जहाजहरूले सक्छन् कि सक्दैनन् भन्ने थाहा पाउन परीक्षणहरू गरेको भनी बयान जारी गरेको छ ।
यी परीक्षणहरूपछि युद्धपोत मर्मत सम्भार गरिनेछ ।
#ICYMI USS Gerald R. Ford @Warship78 completes the 1st explosive event of Full Ship Shock Trials! Continuing the mission #NavyReadiness pic.twitter.com/Tx3w3c7eCm
— U.S. Navy (@USNavy) June 20, 2021
