भारतका प्रधानमन्त्री नरेन्द्र मोदीले सर्वदलीय बैठक गरेर कश्मीरको विकासको रोडम्याप बनाउने तयारी गरेपछि पाकिस्तान आक्रोशित बनेको छ । 

यससँगै जम्मु कश्मीरमा आतंकवादी आक्रमणहरू बढेका छन् । सीआईडी इन्स्पेक्टर दारको हत्या, सीआरपीएफको जत्थामा गोलीकाण्ड, जम्मुको वायुसेनाको एयरफील्डमा ड्रोन आक्रमण र अवन्तीपुरामा पूर्व एसपीओको हत्या सबै त्यसका परिणाम हुन् । 

भारतका रक्षामन्त्री राजनाथ सिंह लद्दाखको भ्रमणमा छन् । उनले पाकिस्तानको नाम नलिइकनै कडा सन्देश दिएका छन् । 

उनले भने, ‘भारत शान्तिको पुजारी हो तर शस्त्र धारण गर्न डराउँदैन । कसैले पनि हामीमाथि आँखा उठाएमा हामी मुखभरिको जवाफ दिन्छौं । छिमेकीहरूसँग मिलेर समाधान निकाल्न सकिन्छ । कसैले आक्रामक व्यवहार देखाएमा भारतीय सैनिकले जवाफ फर्काउनेछन् । तयारीबाट म सन्तुष्ट छु ।’

गत बिहीवार कश्मीरी नेताहरूसँग गरिएको बैठकले पाकिस्तानलाई विचलित बनाएको देखिन्छ । त्यस बैठकपछि कश्मीर भारतमा थप जोडिने देखिएपछि आतंकवादीहरू सक्रिय भएको र आधुनिक हतियारले भारतलाई तारो बनाइरहेको भारतीय विश्लेषकहरू बताउँछन् ।