२५ जेठ २०८३, सोमबार
नेपाल विद्यार्थी संघ (नेविसंघ) अछामका नेता तथा विश्व हिन्दू युवा संघका केन्द्रीय सदस्य रमेश कुँवरको पहलमा अछामको बुढाकोट स्वास्थ चौकीलाई स्वास्थ्य सामग्री वितरण गरिएको छ ।
साँफेबगर नगरपालिका–९ का वडाध्यक्ष ध्रुब थापाको रोहवरमा स्वास्थ्य चौकीका ईन्चार्ज नरेश रावतलाई स्वास्थ सामग्री प्रदान गरिएको हो ।
सामग्री हस्तान्तरण कार्यक्रममा बोल्दै नेता कुँवरले सहयोग गर्न पाउँदा खुशी लागेको र आगामी दिनमा पनि सक्दो प्रयास गर्ने बताए । वडाध्यक्ष ध्रुव थापाले सबैको समन्वय र सहयोगको खाँचो भएको भन्दै नेता कुँवर धन्यवादका पात्र रहेको बताए ।
स्वास्थ्य सामग्री हेल्थ नेपाल लगायत संस्थाबाट प्राप्त भएको नेता कुँवरले बताए । विद्यार्थी नेता तथा आध्यात्मिक व्यक्तित्व कुँवरकै नेतृत्वमा विगत १ हप्तादेखि जिल्ला अस्पताल, बयालपाटा अस्पताल, बैद्यनाथ वेद विद्या आश्रम, साँफेबगर नगरपालिका, चौखुट्टे प्रहरी चौकी, देवीस्थान स्वास्थ चौकीमा स्वास्थ्य सामग्री वितरण गरिएको छ ।
मंगलवार माक्स १ हजार वटा, स्यानिटाइजर सानो–ठूलो, ग्लोभ्स, पीपीई सेट ५ वटा, थर्मागन, अक्सिमिटर, मेडिकल किट हस्तान्तरण गरिएको कुँवरले बताए ।
अछाममा हस्तान्तरण गरिएको स्वास्थ्य सामग्री रोटरी क्लब, नेपाल मानव धर्म सेवा समिति, आर्ट अफ लिभिङ, हेल्प नेपाल, एक एक पाइल फाउन्डेसन लगायतले सहयोग गरेका कुँवरले बताए ।
