गोर्खा फाउन्डेसन नेपालले आज मेचीनगर नगरपालिकालाई ३० थान अक्सिजन सिलिण्डरसहित स्वास्थ्य सामग्री प्रदान गरेको छ । गोर्खा फाउण्डेसन यूके र नेपालको संयुक्त सहयोगमा ६ लाख बराबर रूपैयाँ बराबरको अक्सिजन सिलिण्डरसहित स्वास्थ्य सुरक्षाका सामग्री हस्तान्तरण गरिएको हो । 

फाउन्डेसनका अध्यक्ष नगेन्द्र गुरुङले मेचीनगरका प्रमुख विमल आचार्यलाई सो सामग्री हस्तान्तरण गरेका हुन्। 

मेचीनगरमा विभिन्न दातृ निकायले दिएको र नगर आफैंले खरिद गरेको अक्सिजन सिलिण्डरको संख्या ९० बढी भएको नगरप्रमुख आचार्यले बताए। 

उनले नगरभित्र रहेका अस्पताल र स्वास्थ्यचौकीलाई आवश्यकताअनुसार आज प्राप्त भएका अक्सिजन सिलिण्डर वितरण गरिने बताए।