२६ जेठ २०८३, मंगलबार
युरोपेली संघले कोरोना भाइरसविरुद्धको खोप लगाएकाहरूलाई यात्रा गर्न दिने व्यवस्था गर्न लागेको छ ।तर, संघले सबै खोप लगाएकालाई भने मान्यता दिन नसकिने संकेत गरेको छ ।
संघको चिकित्सासम्बन्धी कार्यालयले भारतमा बनाइएको कोभिशिल्डलगायतका केही खोप लगाएकाहरूलाई भने विश्वास गर्न नसकिने जनाएको हो ।
चिकित्सा कार्यालयले कोभिशिल्डलाई विश्वास नगरेपछि युरोपेली संघले पनि उनीहरूलाई युरोप प्रवेश गर्न अनुमति नदिन सकिने निष्कर्ष निकालेको छ ।
युरोपेली चिकित्सा कार्यालयले युरोपेली आयोगलाई समेत भारतमा बनेको खोप लगाएकाहरूलाई युरोप प्रवेशमा अनुमति नदिन सिफारिस गरेको छ ।
अमेरिका, बेलायत र युरोपेली मुलुकहरूमा बनाइएको खोप लगाएकाहरूलाई मात्रै युरोप प्रवेशका लागि अनुमति दिएमा मात्रै युरोपमा कोरोनाभाइरसको संक्रमण थप फैलिन कम हुने उनीहरूको भनाइ छ ।
युरोपेली आयोगको निर्णयसँगै भारतको कोभिशिल्ड खोपप्रतिको विश्वसनीयता र उपयोगितामा फेरि आशंका उत्पन्न भएको छ ।
