२६ जेठ २०८३, मंगलबार
कोपा अमेरिकामा आइतवार बिहान सम्पन्न खेलमा अर्जेन्टिनाका सुपरस्टार खेलाडी लियोनेल मेसीले फ्रीकिकमार्फत सुन्दर गोल गरेका छन् ।
यससँगै इक्वेडरविरुद्ध अर्जेन्टिनाले ३–० गोल अन्तरले विजय हासिल गरी सेमीफाइनलमा प्रवेश गरेको छ ।
मेसीले टीमका अन्य दुई गोलमा पनि असिस्ट गरेका थिए । खेलका म्यान अफ द म्याच उनी नै साबित भए ।
मंगलवार हुने सेमीफाइनलमा अर्जेन्टिनाको सामना कोलम्बियासँग हुनेछ ।
यस प्रतियोगितामा मेसीले चार गोल गरिसकेका छन् र त्यति नै असिस्ट पनि गरेका छन् ।
अहिलेसम्मको खेल हेर्दा फाइनलमा ब्राजिल र अर्जेन्टिनाबीच भिडन्त हुने देखिन्छ । यी दुई टोलीहरू आफ्ना विपक्षीलाई प्रभावशाली रूपमा हराउँदै सेमीफाइनलसम्म आइपुगेका छन् ।
सेमीफाइनलमा ब्राजिलको भिडन्त पेरुसँग हुने भएको छ ।
