नेकपा एमालेमा देखिएको विवाद समाधानका लागि पुराना कार्यदल सक्रिय हुने भएका छन् ।

प्रधानमन्त्री केपी शर्मा ओलीलाई आइतवार राति उपाध्यक्ष भीम रावलले भेटेपछि सोमवार कार्यदलको बैठक बस्न लागेको छ ।

अर्थ मन्त्रालययमा बस्ने बैठकमा पार्टीभित्रको विवाद समाधान र सहमतिबारे छलफल हुने कार्यदलका एक सदस्यले लोकान्तरलाई जानकारी दिए ।

कार्यदलमा अध्यक्ष ओली पक्षबाट सुवासचन्द्र नेम्वाङ, विष्णु पौडेल, शंकर पोखरेल र प्रदीप ज्ञवाली तथा नेता माधवकुमार नेपाल पक्षबाट उपाध्यक्ष भीम रावल, घनश्याम भुसाल, सुरेन्द्र पाण्डे र गोकर्ण विष्ट रहेका छन् ।