२६ जेठ २०८३, मंगलबार
काठमाडौं, २४ जेठ — फिलिपिन्सको मरावी शहरमा आतंकवादी माउटे समूहले आक्रमण गरेपछि सरकारी सेनाले शहरलाई मुक्त गर्ने कोशिश गरिरहेको छ । यस क्रममा सेनाले मरावीको एक घरमा दुई करोड ७० लाख पेसो बराबरको चेक फेला परेको थियो ।
यी चेकहरूलाई के गर्ने भन्ने विषयमा फिलिपिन्सको केन्द्रीय बैंकका एक अधिकारीले विस्तृत टिप्पणी गर्न अस्वीकार गरेका छन् ।
केन्द्रीय बैंकका उपगभर्नर नेस्टोर एस्पेनिला जुनियरले यस विषयमा निगरानी गरिरहने संवाददाताहरूलाई बताएका छन् ।
दुई करोड २७ लाख बराबरको चेकका अतिरिक्त सरकारी सेनाले कम्तीमा पाँच करोड २२ लाख पेसो हार्ड क्याश पनि फेला पारेका थिए ।
चेकको स्रोत परीक्षण गर्नका लागि कुनै चिह्नहरू छन् कि भनी केन्द्रीय बैंकले हेर्ने एस्पेनिलाले बताए ।
‘पहिला त सबुतप्रमाण हेर्नुप–यो । हामीसँग यो हेर्नका लागि विज्ञहरू छन्,’ उनले भने ।
राष्ट्रपति रोड्रिगो डुटेर्टेले माउटेलाई गैरकानूनी लागूऔषध व्यापारीले लगानी गरेको दाबी गरेका थिए ।
एस्पेनिलाले यसमाथि टिप्पणी गर्न मानेनन् किनकि एउटा घरमा यत्ति ठूलो रकम भेटिएपनि घरमालिकको बारेमा पत्ता लगाउन गाह्रो छ ।
एजेन्सी
