बलिउड अभिनेता अजय देवगनको चलचित्र ‘भुज– द प्राइड अफ इण्डिया’ को रिलिज मिति तय भएको छ । 

यो चलचित्र भारतको स्वतन्त्रता दिवस अगस्ट १३ मा डिज्नी प्लस हटस्टार बीआईपीमा रिलिज हुनेछ । 

मुख्य भूमिकामा रहेका अजयको यो पहिलो चलचित्र हो, जो ओटीटी प्लेटफर्मबाट रिलिज हुँदैछ । 

चलचित्रमा सञ्जय दत्त, सोनाक्षी सिन्हा, एमी विर्क, नोरा फतेही र शरद केल्कर पनि महत्त्वपूर्ण भूमिकामा देखिने छन् । 

मंगलवार अजयले चलचित्रको मोसन पोस्टर शेयर गर्दै रिलिज डेट घोषणा गरेका हुन् ।

चलचित्रको कथा सन् १९७१ मा भारत–पाकिस्तान युद्धका बेला भएको सत्य र साहसिक घटनामा आधारित छ । अजय भारतीय वायु सेनाका स्क्वार्डन लिडर विजय कार्णिकको भूमिकामा छन्, जो अहिले भुज एअरपोर्टका इन्चार्ज हुन् । 

मोसन पोस्टरमा देखाइएको छ– १९७१ मा पाकिस्तानले अपरेशन चंगेज खान सुरु गरेको थियो । १४ दिनमा पाकिस्तानले भुज एअरफिल्डमा ९२ वटा बम र २२ वटा रकेटबाट हमला गरेको थियो । युद्धका बेला एअरबेस ध्वस्त भएपछि विजयले नजिकै माधापुर गाउँका ३०० महिलालाई साथमा लिएर एअर बेस तयार गरेका थिए, ताकि भारतीय वायु सेना उत्रन सकुन् । 

चलचित्रको ट्रेलर जुलाई १२ मा रिलिज गरिने छ । 

सञ्जय दत्त रणछोड्दास पागीको भूमिकामा छन् । एमी विर्क विक्रमसिंह बाज जेठज र सोनाक्षी सुन्दरबेन जेठाको भूमिकामा छन् । नोरा भने हीरा रहमानको भूमिका निभाइरहेकी छन् । 

यसको निर्माण अजय देवगनले नै गरेका हुन् भने निर्देशन अभिषेक दुधइयाले गरेका छन् । 

1971. THE GREATEST BATTLE EVER FOUGHT.#BhujThePrideOfIndia releasing on 13th August only on @DisneyplusHSVIP.#DisneyPlusHotstarMultiplex@duttsanjay #SonakshiSinha @AmmyVirk #NoraFatehi @SharadK7 @pranitasubhash @ihanaofficial @AbhishekDudhai6 #BhushanKumar @TSeries pic.twitter.com/35WUFp5GK4

— Ajay Devgn (@ajaydevgn) July 6, 2021