२५ जेठ २०८३, सोमबार
पार्टी विवाद समाधानका लागि सहमतिमा पुगेको भनिएको नेकपा एमाले कार्यदलको बैठक केही बेरमा शुरू हुँदैछ ।
दिउसो साढे २ बजेका लागि तय भएको बैठक माधव नेपाल पक्षका सदस्यहरू नेता नेपालसँग परामर्श गर्न गएपछि औपचारिक रुपमा शुरू हुन ढिला भएको हो ।
नेता नेपालसँग परामर्श गरेर नेताहरू सिंहदरबारस्थित अर्थ मन्त्रालयमा पुगेका छन् । कार्यदलका संयोजक भीम रावल, सदस्यहरू घनश्याम भुसाल, गोकर्ण विष्ट र सुरेन्द्र पाण्डे लगायतका नेताहरूले नेता नेपालसँग परामर्श गरेका थिए ।
कार्यदलले पार्टी विवाद मिलाएको हिजो दावी गरेको थियो । सहमतिको ड्राफ्टमाथि कार्यदलका सदस्यहरूले नेता नेपालसँग परामर्श गरेका हुन् । आजको बैठकले सहमति जुटेको विषयमा भाषा मिलाउने बताइएको थियो ।
