०४ असार २०८३, बिहीबार
थ्री नेसन्स कप अन्तर्राष्ट्रिय फुटबलको उपाधि विजेता नेपाली राष्ट्रिय फुटबल टोलीलाई आज सरकारले नगदसहित पुरस्कृत गरेको छ ।
प्रधानमन्त्री निवास बालुवाटारमा प्रधानमन्त्री केपी शर्मा ओलीले बंगलादेश, कीर्गिजस्तान र नेपाल सम्मिलित थ्री नेसन्स कपको विजेता नेपाली टोलीलाई पुरस्कृत गरेका हुन् ।
२३ खेलाडी र तीन प्रशिक्षक नगद पुरस्कारबाट पुरस्कृत भए ।
गत चैत १६ भएको फाइनल खेलमा घरेलु टोली नेपालले बंगलादेशलाई २–१ ले हराउँदै उपाधि जितेको थियो ।
सोही नेपाली टोलीलाई जनही चार लाख नगदसहित पुरस्कृत गरिएको हो ।
यस्तै प्रशिक्षकलाई सरकारले नगद दुई लाख रूपैयाँ प्रदान गरेको छ । त्रिपुरेश्वरस्थित दशरथ रंगशालामा भएको फाइनल खेल हेर्न प्रधानमन्त्री ओली पनि पुगेका थिए । सोही क्रममा विजेतालाई पुरस्कार दिने घोषणा गरेका थिए ।
थ्री नेसन्सको उपाधि जितेपछि बसेको मन्त्रिपरिषद्को बैठकले विजेता खेलाडीलाई जनही चार लाख रूपैयाँ दिने निर्णय गरेको थियो ।
३७ वर्षपछि घरेलु भूमिमा उपाधि जितेको नेपालले यसअघि सन् १९८४ को सागमा घरेलु मैदानमै उपाधि जितेको थियो ।
