०१ असार २०८३, सोमबार
राष्ट्रपति कार्यालय शीतल निवासमा नवनियुक्त प्रधानमन्त्री शेरबहादुर देउवाको पद तथा गोपनीयताको शपथको पर्खाइ भइरहेको छ ।
राष्ट्रपति कार्यालयबाट जारी विज्ञप्तिमा नेपालको संविधानको धारा ७६(५) उल्लेख नभएपछि शपथमा ढिलाइ भइरहेको छ ।
देउवालाई सर्वाेच्च अदालतको संवैधानिक इजलासको फैसला बमोजिम नियुक्त गरिएको व्यहोरा विज्ञप्तिमा उल्लेख छ ।
शपथ कार्यक्रम हुने समारोहमा पूर्व प्रधानमन्त्रीहरू पुष्पकमल दाहाल ‘प्रचण्ड’, माधवकुमार नेपाल, बाबुराम भट्टराई लगायत उपस्थित भएर पर्खाइमा रहेका छन् ।
प्रतिनिधिसभा विघटनविरुद्ध परेको रिटमाथि सुनुवाइ गर्दै सर्वाेच्च अदालतले देउवालाई प्रधानमन्त्री नियुक्त गर्न परमादेश दिएपछि उनी प्रधानमन्त्री नियुक्त भएका छन् । तर नियुक्ति सम्बन्धमा जारी विज्ञप्तिको व्यहोरामा विवाद भएको छ ।
