प्रधानमन्त्री शेरबहादुर देउवाले मंगलबार सानो आकारको मन्त्रिपरिषद् गठन गरेका छन् । उनले गठन गरेको मन्त्रिपरिषद्मा बालकृष्ण खाँणलाई दोस्रो वरियतासहित गृह मन्त्रालयको जिम्मेवारी दिइएको छ ।
यस्तै कानुन मन्त्रीमा ज्ञानेन्द्र बहादुर कार्की, ऊर्जा मन्त्रीमा पम्फा भुसाल र अर्थ मन्त्रीमा जनार्दन शर्मा रहेका छन् । अन्य १७ मन्त्रालय भने हाललाई देउवाले नै राखेका छन् । देउवाले राखेको मन्त्रालयमा सत्ता साझेदार र उनकै पार्टीमा भागबण्डा मिलेपछि नियुक्ति गरिनेछ ।
राष्ट्रपति विद्यादेवी भण्डारीले देउवाको सिफारिसमा संविधानको धारा ७६ को उपधारा ९ बमोजिम मन्त्तिपरिषद् गठन गरी कार्यविभाजन गरेको राष्ट्रपति कार्यालयले जारी गरेको विज्ञप्तिमा उल्लेख छ।