कपिलवस्तुको दिपक पाण्डेयको गोली हानी हत्या गरेको प्रकरणमा मुछिएका ११ जना पुर्पक्षका लागि कारागार चलान भएका छन् ।

गत जेठ ५ गते  जिल्लाको गोबरी स्थित चार नम्बर तौलिहवा सडक खण्डमा कपिलवस्तु नगरपालिका वार्ड नं १ शिवमन्दिर टोल बस्ने बर्ष ३४ को पाण्डेको गोली हानी हत्या भएको थियो ।

घटनापछि प्रहरी नायव उपरीक्षक  धर्मराज भण्डारीको नेतृत्वको अनुसन्धान टोलीले घटनामा प्रयोग भएको  पेस्तोल तथा गोलीसहितका हातहतियारसहित ११ जनालाई पक्राउ गरेको थियो । उनीहरुलाई आवश्यक अनुसन्धानपछि जिल्ला अदालतमा पेश गरिएकोमा आज पुर्पक्षको लागी कारागार चलान गरीएको जिल्ला प्रहरी कार्यालय कपिलवस्तुले जनाएको छ ।