०४ असार २०८३, बिहीबार
भारतको महाराष्ट्रमा रहेको औरंगाबादमा एक दुलाहा पक्राउ परेका छन् । उनी तथा उनको परिवारविरुद्ध प्रहरीसमक्ष जाहेरी परेको थियो ।
ती पुरुषले २१ वटा नङ भएको कछुवा र कालो लाब्राडोर कुकुर दाइजोमा मागेपछि प्रहरीले उनलाई पक्राउ गरेको हो ।
ती पुरुष सेनामा जवान छन् र गत फेब्रुअरी महिनामा उनले एक महिलासँग टीकाटालो गरेका थिए ।
टीकाटालोमा दुलहीको परिवारले उनलाई दुई लाख भारु नगद तथा १० ग्राम सुन दिएको थियो ।
टीकाटालोपछि पनि दुलाहाको परिवारले दुलहीको परिवारसँग १० लाख भारु लिएको थियो । उनलाई स्थायी सरकारी जागिर दिने भन्दै त्यो पैसा लिइएको थियो । तर जागिर नदिई उल्टै दुलाहाको परिवारले कछुवा, कुकुर, बुद्धको मूर्ति र ठड्यौरो मागेको थियो ।
कछुवाको मूल्य ५ देखि १० लाख भारु पर्छ र त्यसले घरमा सौभाग्य ल्याउने विश्वास गरिन्छ । दुलहीको परिवारले कछुवा खोज्दा पनि नपाएपछि दुलाहाको परिवारले विवाह रद्द गरेको थियो । त्यसपछि दुलही पक्षले प्रहरीमा उजुरी दर्ता गरेपछि प्रहरीले दुलाहालाई समातेको हो ।
