०१ असार २०८३, सोमबार
बेलायतका प्रधानमन्त्री बोरिस जोनसनले पानी परिरहेको बेलामा अन्तर्वार्ता दिँदा छाता बोेकेको भए पनि भिजेपछि टीभी हेर्ने दर्शकहरू निराश भएका छन् ।
जोनसन मंगलवार गिल्डफोर्डस्थित सरे प्रहरी प्रधान कार्यालयको भ्रमणमा जाँदा पानी परेको थियो ।
अपराधसम्बन्धी विधेयकका बारेमा चर्चा गर्न त्यहाँ पुगेका उनले सञ्चारकर्मीसँग कुरा गर्दा पानीमा भिजेका हुन् ।
उनले टाउकोमाथि छाता राखेका थिए तर छाताले पानी छेकेको देखिएन किनकि उनको सुट भिजेको थियो ।
अनि पानी परेर उनको कपाल पनि छितरिएको थियो ।
पानी परेको बेलामा छाता ओढे पनि बेस्सरी भिज्ने व्यक्ति जोनसन नै होलान् भनी सामाजिक सञ्जालमा टिप्पणी आएको छ ।
