पाकिस्तानको पन्जाब प्रान्तस्थित भोङ बजारमा रहेको गणेश मन्दिरमा बिहीवार भएको तोडफोडप्रति सनातन धर्म महासंघ नेपालले घोर भर्त्सना गरेको छ ।

कुनै पनि धर्मावलम्बीले शान्तिपूर्ण तरिकाले आफ्नो धर्म संस्कृतिको अवलम्बन गर्न पाउने अन्तरराष्ट्रिय मान्यताको सम्मान गर्न पाकिस्तान सरकारलाई महासंघ सचेत गराउँछ ।

गणेश मन्दिरमा भएको उक्त घटनाको निष्पक्ष छानबिन गरी दोषीलाई कडा कारवाही गर्न महासंघ जोडदार माग गर्दछ । साथै, पाकिस्तानमा भइरहेको जबरजस्ती धार्मिक आस्था परिवर्तन विरुद्ध कानुन बनाई तत्काल लागु गर्न माग गर्दछ ।

पाकिस्तानमा पटक पटक अल्पसंख्यक समुदायमाथि आक्रमण भइरहेको हुँदा आउँदा दिनहरूमा यस किसिमका घटना दोहोरिन नदिन; अल्पसंख्यक  समुदायहरूलाई संरक्षण गर्न र आफ्नो धार्मिक आस्था प्रकट गर्न सकिने वातावरण बनाउन पाकिस्तान सरकारसंग सनातन धर्म महासंघ जोडदार माग गर्दछ ।