२६ जेठ २०८३, मंगलबार
अफगानिस्तानकी शीर्ष महिला प्रहरी अधिकृतलाई तालिबान लडाकूहरूले नराम्ररी कुटपिट गरेपछि अनि अमेरिकाले उनलाई उद्धार गर्न नमानेपछि पलायन भएकी छन् ।
अहिले उनी काबुलमै लुकिरहेको बताइएको छ ।
गुलाफरोज एब्तेकार नामक ती प्रहरी अधिकृत अफगानिस्तानको फौजदारी अनुसन्धान शाखाकी उपप्रमुख थिइन् ।
गृह मन्त्रालयअन्तर्गतको विभागकी शीर्ष अधिकृत भएको नाताले उनी अफगान महिलाहरूका लागि रोलमोडल थिइन् । मिडियामा उनको अनुहार परिचित थियो ।
काबुल विमानस्थलको गेटमा पाँच रात बिताएपछि उनी शहरमा लुक्दै हिँडेकी छन् । उनलाई मृत्युको भय छ ।
काबुलमा अस्तव्यस्तको स्थिति हुँदा उनले अमेरिकी सैनिकहरू भेटेकी थिइन् । उनलाई प्रेमी र परिवारका सदस्यहरू मिलेर विदेश उड्नका लागि अमेरिकी सैनिकले सहायता गर्ने विश्वास उनले लिएकी थिइन् ।
अमेरिकीहरूले सुरक्षा दिएको शरणार्थी शिविरमा उनी पुगेकी थिइन् । तर उनीहरूले उनलाई बाहिर जानका लागि मद्दत नगर्ने बताए । त्यतिखेर उनलाई यो जीवन बेकार हो जस्तो लागेको थियो ।
