०७ असार २०८३, आइतबार
पछिल्लो २४ घन्टामा २ हजार ५२ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १४ हजार ९३५ नमूना परीक्षणमध्ये एक हजार ६४८ पीसीआर र ४०४ जनामा एन्टिजेन पोजिटिभ देखिएको हो ।
यससँगै नेपालमा हालसम्म ८ लाख ४८ हजार २०४ जनामा कोरोना संक्रमण पुष्टि भएको छ ।
यस्तै पछिल्लो २४ घण्टामा २० जनाको मृत्यु भएसँगै कुल मृत्यु संख्या १० हजार ७७० पुगेको छ ।
मन्त्रालयका अनुसार थप ३ हजार ३० जना संक्रमणमुक्त भएका छन् ।
यससँगै हालसम्म कोरोना संक्रमणमुक्त हुनेहरूको संख्या ७ लाख १९ हजार ३३६ पुगेको छ ।
हाल मुलुकभर ३४ हजार १८९ सक्रिय संक्रमित छन् ।
