०९ साउन २०८३, शनिबार
नेकपा एमाले नेता योगेश भट्टराईले अहिले पार्टी प्रवक्ता प्रदीप ज्ञवाली नै भएको बताएका छन् । शनिवार बसेको स्थायी कमिटी बैठकबारे जानकारी दिँदै उनले प्रवक्ता को हुने भन्ने आउने बैठकले टुंग्याउने बताएका हुन् ।
‘२०७५ जेठ २ गते प्रवक्ता भन्ने पद थिएन, त्यतिबेला म प्रचार विभाग प्रमुख थिएँ,’ उनले भने, ‘प्रचार विभाग प्रमुखले नै मिडियामा सूचना तथा पार्टीको निर्णय जानकारी दिने भएकाले म नै प्रवक्ता हो कि भन्ने परेको हो ।’
अदालतले एमाले र माओवादी पूर्ववत् अवस्थामा फर्काइदिएपछि एमालेले प्रवक्ता पद सिर्जना गरेर प्रदीप ज्ञवालीलाई जिम्मेवारी दिएको उनको भनाइ छ ।
‘अब प्रवक्ता उहाँ हुने कि म हुने भन्ने आउने बैठकले टुंग्याउला, सामान्यतया म प्रचार विभागको काम गर्छु,’ उनले भने ।
