समुद्री जहाजमा लागूपदार्थ सेवन गर्दागर्दै पक्राउ परे बलिउड सुपस्टारका छोरा

समुद्री जहाजमा लागूपदार्थ सेवन गर्दागर्दै पक्राउ परे बलिउड सुपस्टारका छोरा

भारतको लागूऔषध नियन्त्रण ब्युरो (एनसीबी) ले मुम्बईबाट गोवा गइरहेको क्रुज विमानमा छापा मार्दा ठूला सेलेब्रिटीहरू पक्राउ परेका छन् । 


Advertisement

जहाजमा भइरहेको पार्टीमा लागूपदार्थ उपयोग भएको थियो । उक्त जहाजमा ६०० जना हाईप्रोफाइल सेलेब्रिटीहरू थिए । 


Advertisement

एनसीबीले छापा मारेर केही मानिसको सामान जफत गरेको छ । त्यसक्रममा कम्तीमा १३ जनालाई पक्राउ गरिएको छ । 

उक्त पार्टीमा बलिउडका सुपरस्टारका छोरा पनि भएको बताइएको छ । सञ्चारमाध्यमहरूले नाम नखुलाएको भए पनि सामाजिक सञ्जालमा शाहरुख खानका छोरा आर्यन खान पक्राउ परेको चर्चा छ । 


Advertisement

एनसीबी आफैंले पुष्टि नगरुन्जेलसम्म कसलाई पक्राउ गरेको हो भन्न सकिने स्थिति छैन । 

यस विषयमा एनसीबी मुम्बईका क्षेत्रीय निर्देशक समीर वानखेडेले अनुसन्धान चलिरहेको जानकारी थिए । सेलेब्रिटीको उपस्थितिका बारेमा सोध्दा उनले टिप्पणी गर्न नमिल्ने बताए । 

एएनआई समाचार संस्थाका अनुसार, एनसीबीको छापामा जहाजबाट कोकेन, गाँजा तथा अन्य लागूपदार्थहरू फेला परेका छन् । सीआईएसएफबाट सूचना पाएपछि एनसीबीले छापा मारेको बताइएको छ । 
 

एजेन्सी
एजेन्सी

लेखकबाट थप...

कमेन्ट गर्नुहोस्