०५ साउन २०८३, मंगलबार
नेपाल आदिवासी जनजाति महासंघका पूर्व अध्यक्ष राजकुमार लेखी नेकपा एमालेमा प्रवेश गरेका छन् ।
ललितपुरको गोदावरीमा जारी पार्टीको विधान महाधिवेशनको अन्तिम दिन एमाले अध्यक्ष केपी शर्मा ओलीले लेखी सहितका ५५ जनालाई पार्टी प्रवेश गराएका हुन् ।
लेखीले पहिलो संविधान सभा विघटनपछि एमाले छाडेका थिए । त्यसपछि उनी विभिन्न मधेशवादी दलमा आवद्ध भएका थिए ।
कार्यक्रममा नेत्र विक्रम चन्द विप्लव नेतृत्वको नेपाल कम्युनिष्ट पार्टीका पोलिटब्यूरो सदस्य अमर धमला तथा नेपाली कांग्रेस, नेकपा माओवादी केन्द्र लगायतका पार्टीका कार्यकर्ताहरू पनि एमाले प्रवेश गरेका छन् ।
