०४ साउन २०८३, सोमबार
नेपाली काँग्रेसको काठमाडौं महानगरपालिका कार्यसमितिमा शेरबहादुर देउवा पक्षका उम्मेदवार पराजित भएका छन्। महानगरपालिकामा प्रकाशमान सिंह निकट नीलकाजी शाक्य विजयी भएका छन् । उनले ७९६ मत प्राप्त गरी महानगर सभापतिमा निर्वाचित भएका हुन् । निकटतम प्रतिद्वन्द्वी प्रगतिमान रञ्जित ३२९ मतका साथ पराजित भए । आज भएको मतदानबाट कार्यसमितिमा उनको प्यानल नै विजयी भएको छ ।
आइतबार राति आएको नतिजाअनुसार उपसभापतिमा सुशीला ढकाल र सन्तकुमार महर्जन निर्वाचित भए भने सचिवमा सुशन वैद्य र पुरुषोत्तम खकुरेल विजयी भए । यस्तै सहसचिवमा अमृत मानन्धर र विमला लामिछाने विजयी भएको निर्वाचन समितिले जनाएको छ । महानगरमा क्षेत्र प्रकाशमानको प्रभाव छ उसो त प्रकाशमानलाई नेता गगन थापाले पनि महानगरमा सघाएका थिए ।
