×

जनताका दुःख

कर तिर्ने जनतामाथि राज्य अत्याचारको नमूना हेर्न गुर्जुधारा जाऊँ [भिडियो]

असोज २०, २०७८

राज्यबाट जनताले सेवासुविधा लिँदा अनेक सास्ती भोग्नुपर्छ तर गुर्जुधारास्थित यातायात कार्यालयमा जनताले कर तिर्नै लाग्दा पनि अत्याचार खेप्नुपर्छ ।

कर तिर्नैपर्ने भएकाले अत्याचार खेप्दाखेप्दै पनि दैनिकजसो सयौं मोटरसाइकल गुर्जुधारा पुग्छन्, जहाँ मोटरसाइकलको लाम देख्न सकिन्छ ।


Advertisment

एकातिर दशैंको चटारो, अर्काेतिर यातायात कार्यालयमा कर तिर्न आउनेले यातायात कार्यालयमा भोग्नुपरेको सास्ती ।


Advertisment

विद्युतीय शासन, सुशासन र जनतालाई छिटोछरितो सेवा दिने गफ दिन्छ सरकार तर सर्वसाधारण जनताले राज्यलाई कर बुझाउन पनि सास्ती भोग्नुपर्छ । राज्यलाई कर तिर्न लाइनमा बसेका सर्वसाधारणले गुर्जुधाराको यातायात कार्यालयमा सास्तीमाथि सास्ती भोग्नुपरेको छ ।

कार्यालयमा लाइन बसेका बानेश्वरका नविन जोशी भन्छन्, ‘मलाई त लाइन बस्दाबस्दा वाक्क लागेर आइसक्यो, बरु यो सबै झन्झटबाट मुक्ति पाउन सरकारले अनलाइन प्रणालीमा जानुको विकल्प छैन ।’

गोठाटारबाट मोटरसाइकलको कर तिर्न आएका रमेश डोटेल भन्छन्, ‘जबसम्म हाम्रो बुवाको पुस्तालाई फ्याक्न सकिँदैन, तबसम्म हामीले यस्तै झमेला व्यहोरिरहनुपर्नेछ, भित्रैबाट सिस्टम बिगारेका छन्, बाहिर बस्ने कर्मचारीलाई गाली गरेर केही हुँदैन ।’

कलंकीका दिप श्रेष्ठले बिहान ८ बजेदेखि नै लाइनमा बस्दा समेत दिउँसो २ बजेसम्म पालो नआएको गुनासो गरे । ‘यत्रो पैसा तिरेर मोटरसाइकल किनेको छ, सरकारलाई कर पनि तिरेको छ तर पनि हामी जनताले नै सास्ती भोग्नुपरेको छ, अहिलेसम्म खाना समेत खाएको छैन, बिहानदेखि लाइनमा बसेको अहिलेसम्म पालो आएको छैन,’ उनले भने ।

बौद्धबाट आएका पेमा लामाले आज कर तिर्ने कामका लागि अफिस बिदा लिए । ‘यस्तो महामारीको समयमा यस्तो भीडभाड गरेको छ, २–३ घण्टा लाग्ने भनेकोमा दिन नै कट्न थालिसक्यो तर पालो आएको छैन, हामीलाई सरकारले सुविधा दिए राम्रो हुन्थ्यो,’ निराश हुँदै उनले दुःखेसो पोखे ।

सर्वसाधारण चर्को घाम र पानीमा भिजेर कर तिर्न लाइनमा बस्ने गरेका छन् । देशमा संघीय लोकतान्त्रिक गणतन्त्र स्थापना भएर ‘गाउँगाउँमा सिंहदरबार’ पुगेको भनिए पनि जनताले राज्यबाट लिने सेवाका लागि सास्ती व्यहोर्नुपरेको छ । 
 

असोज २५, २०८०

सुदूरपश्चिम ​विश्वविद्यालयले इजरायलको ‘लर्न एन्ड अर्न’ कार्यक्रम पुनर्विचार गर्नुपर्ने बताएको छ । विश्वविद्यालयका सहायक उपकुलपति प्राडा अम्मराज जोशीले आफ्ना १० विद्यार्थी मारिएपछि यो कार्यक्रमबारे ...

भदौ २३, २०७९

केही दिनदेखि देशभर डेंगु महामारीकैरूपमा फैलिइरहेको छ । लामखुट्टेको टोकाइबाट लाग्ने यो रोगबाट हजारौ व्यक्ति प्रभावित भएका छन् ।  टेकुस्थित शुक्रराज ट्रपिकल तथा सरुवा रोग अस्पतालमा प्यासेजमा समेत बेड रा...

भदौ २९, २०७८

ललितपुरको सातदोबाटो–गोदावरी रुटमा पर्ने ठैबभन्दा अलि माथि पर्ने गोदामचौरका स्थानीय वासिन्दा हुन् राम कार्की । उनलाई दैनिकजसो घरदेखि लगनखेलसम्म ओहोरदोहोर गरिरहनुपर्छ ।  पहिला आफ्नै गाडीमा २० मिन...

असोज १२, २०८०

खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...

साउन ३२, २०७८

व्यस्त सडकमा पुगेर केहीबेर उभिनुभयो भने साइरन बजाउँदै कैयन एम्बुलेन्स हुइँकिएका भेटिन्छन् । यसरी हुइँकिने एम्बुलेन्सभित्र कोही न कोही बिरामी वा घाइते व्यक्ति त हुन्छ नै । कतिपय त मृत्युसँग नै लडिरहेका हुन्छन् ...

भदौ ८, २०७८

चीनको छिङ्गहाई प्रान्तस्थित हो सिलमा रहेको विश्व सम्पदा क्षेत्र [भिडियो] https://www.facebook.com/lokaantar/videos/363534432107954

को होला त्यो ?

को होला त्यो ?

असार ८, २०८१

जीवन बनायो कसले, जगत् बसायो कसले ? अनि यिनलाई चलायो कसले, बोलायो कसले ? तर्क आ–आफ्नै हुन्छन्, हुन सक्छन् । कसैले केही भन्लान्, कसैले केही । वेद भन्छ– ‘एकं सद् विप्रा बहुधा वदन्ति ।’ अर्था...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

x