२८ असार २०८३, आइतबार
नेकपा एमालेको केन्द्रीय कमिटी बैठकले महाधिवेशन प्रतिनिधिको संख्या बढाएर १९ सय ९९ पु¥याउने निर्णय गरेको छ । बिहिबार बसेको स्थायी कमिटी बैठकले १५ सय ३६ जना प्रतिनिधि सहभागी गराउने प्रस्ताव केन्द्रीय कमिटीमा लैजाने निर्णय गरेको थियो ।
केन्द्रीय सदस्यहरूले प्रतिनिधिको संख्या बढाउनुपर्ने सुझाव दिएकाले आजको बैठकले प्रतिनिधि बढाउने निर्णय गरेको एमालेका प्रवक्ता प्रदीप ज्ञवालीले जानकारी दिए ।
एमालेको कात्तिक २७ गते देशभर एकै दिन महाविधेशन प्रतिनिधि छनौट गर्ने निर्णय पनि गरेको छ ।
दशौं राष्ट्रिय महाधिवशेनमा एमालेले हरेक निर्वाचन क्षेत्रबाट ३३ प्रतिशत महिला सहभागी हुने गरी मापदण्ड बनाएको छ । त्यसबाहेक, ४९ प्रतिशत संख्या खुला र ५१ प्रतिशत समावेशी प्रतिनिधि हुनेगरी महाधिवेशन प्रतिनिधि निर्वाचित गर्नुपर्ने एमालेले मापदण्ड बनाएको छ ।
एमालेको केन्द्रीय कमिटी बैठकले मूल व्यवस्थापन समितिको संख्या पनि बढाएर २३ सदस्यीय हुने निर्णय गरेको छ ।
त्यसैगरी, दशौं राष्ट्रिय महाधिवेशनमा एमालेले विद्युतीय भोटिङ मेसिनको प्रयोग गर्ने भएको छ । आज बैठक सुरू हुनुअघि तुलसीलाल स्मृति प्रतिष्ठानमा विद्युतीय भोटिङ मेसिनको डेमो गरेर केन्द्रीय सदस्यहरुलाई प्रयोग गर्ने तरिका पनि सिकाएको थियो ।
अब एमालेको केन्द्रीय समिति बैठक मंसिर ९ गते चितवनको सौराहमा बस्ने भएको छ ।
बैठकलाई सम्बोधन गर्दै एमाले अध्यक्ष केपी शर्मा ओलीले पहिलो विधान महाधिवशेनले एमाले एकढिक्का र मतक्यै रहेको सन्देश दिएको र आगामी दिनमा पनि पार्टी एकता कायम गर्न ध्यान दिन बैठकमा केन्द्रीय सदस्यलाई निर्देशन दिएका थिए ।
वडा र पालिका तहकाेअधिवशेनले पनि पार्टी एकता कामय गर्न सहयोग मिलेकाले अब पार्टी लयमा अघि बढेको ओलीले बैठकमा बताएको प्रवक्ता ज्ञवालीले जानकारी दिए ।
