प्रधानमन्त्री शेरबहादुर देउवाले पूर्वराजा ज्ञानेन्द्र शाहलाई चुनावमा भिड्न चुनौती दिएपछि राष्ट्रिय प्रजातन्त्र पार्टी (राप्रपा) अध्यक्ष कमल थापाले जवाफ फर्काएका छन् ।

सामाजिक सञ्जाल फेसबूकमा लेख्दै अध्यक्ष थापाले गणतन्त्र असफल भइसकेकाले राजालाई गाली गरेर राज गर्ने जमाना नरहेको बताएका छन् ।

अध्यक्ष थापाले लेखेका छन्, ‘प्रम देउवालाई आग्रह – राजाविरुद्ध आक्रोश होइन, सुशासन दिनुहोस् । न्यायालय हड्तालमा छ, संसद अवरुद्ध छ, सरकार भ्रष्टाचार/सर्वसत्तावादमा लिप्त छ, धर्म परिवर्तन व्यापक भएको छ, रोजगारीको खोजीमा ४० लाख युवा विदेश पलायन भएका छन् । संघीय गणतन्त्र असफल भइसक्यो । राजालाई गाली गरेर राज गर्ने जमाना अब छैन ।’

यसअघि बुधवार बिहान एक कार्यक्रममा प्रधानमन्त्री देउवाले ज्ञानेन्द्र शाहलाई गणतन्त्रविरुद्ध नलाग्न चेतावनी दिएका थिए ।