०१ असार २०८३, सोमबार
अमेरिकाको रोड आइल्यान्डमा रहेका ८९ वर्षीय व्यक्तिले विद्यावारिधि (पीएचडी) पूरा गरेका छन् ।
त्यसका लागि उनले विगत दुई दशकदेखि प्रयास गरिरहेका थिए ।
म्यानफ्रेड स्टाइनरले प्रोभिडेन्समा रहेको ब्राउन विश्वविद्यालयमा सफलतापूर्वक डिजर्टेसनको डिफेन्स गरेका हुन् । स्वास्थ्य बिग्रेका कारण उनले उमेर छँदै पढाइ पूरा गर्न पाएका थिएनन् ।
‘तर म सफल भएँ र यो मेरो जीवनको सबभन्दा सन्तोषजनक क्षण हो,’ उनले बताए ।
भिएनामा किशोरावस्थामा स्टाइनरले अल्बर्ट आइन्सटाइन र म्याक्स प्लान्कको बारेमा पढेर उनलाई भौतिकशास्त्री बन्ने रहर लागेको थियो ।
तर दोस्रो विश्वयुद्धपछि उनकी आमा र काकाले उनलाई चिकित्साशास्त्र अध्ययन गर्न सल्लाह दिए । उनले सन् १९५५ मा भिएना विश्वविद्यालयबाट मेडिकल डिग्री लिए अनि त्यसको केही हप्तापछि अमेरिका बसाइँ सरे । अमेरिकामा उनले रगत र रक्तरोगका विषयमा सफल करीयर अनुभव गरे ।
तर उनको मन भौतिकशास्त्रमै रमिरहेको थियो । ७० वर्षको उमेरमा उनले ब्राउन विश्वविद्यालयमा अन्डरग्य्राजुएट क्लास लिन थाले र सन् २००७ मा उनले पीएचडी प्रोग्रामका लागि पर्याप्त क्रेडिट ल्याइसकेका थिए ।
भौतिकशास्त्रका प्राध्यापक ब्राड मार्स्टनले स्टाइनरको पीएचडी डिजर्टेसन गराएका हुन् ।
