टीकापुर, १० असार– टीकापुर नगरपालिकाको खड्क स्मृति मतदान केन्द्रका मतदान अधिकृत नृपराज भट्टराईको मोटरसाइकल दुर्घटनामा परि ज्यान गएको छ ।

५१ वर्षका भट्टराई स्थानीय तह निर्वाचनमा निर्वाचन अधिकृत भई शुक्रबार निर्वाचन सामग्री बुझ्न धनगढी आउँदै गरेको बेला अत्तरिया नजिक दुर्घटना हुँदा गम्भीर घाइते भएका थिए ।

खुट्टामा गम्भीर चोट लागेपछि भट्टराईलाई उपचारका लागि भारतको लखनऊ लैजादैँ गर्दा बाटैमा मृत्यु भएको आफन्तले जानकारी दिएका छन् । २०५१ सालदेखि शिक्षण पेशामा संलग्न रहेका भट्टराई मुक्त कमैया प्रावि टीकापुरका प्रधानाध्यापक हुन् । उनको आज कर्णाली नदीमा अन्तिम संस्कार गरिदैछ ।