०१ साउन २०८३, शुक्रबार
पुरानो प्रेम कहानी बिर्सिंदै नयाँसँग बिहे गर्न ठिक्क परेर मण्डपमा बसेका दुलाहाका निम्ति पूर्व प्रेमिकाले संकट निम्त्याएको घटना भारतको बिहारबाट सार्वजनिक भएको छ ।
बिहारको खगडिया जिल्लामा बिहेका लागि दुलाहा पोशाकमा सजिएर मण्डपमा बसेका थिए, जन्ती खुशीयाली मनाइरहेका थिए । तर अकस्मात संकट आइलाग्यो ।
खगडिया जिल्लाको तेमथा गाउँमा बस्ने राहुलकुमार मिश्राले पूर्व प्रेमिकालाई धोका दिएर नयाँसँग बिहे गर्न लागिरहेका थिए । त्यो थाहा पाएपछि पूर्व प्रेमिकाले प्रहरीमा उजुरी गरिन् र प्रहरीले बिहेकै दिन बिहे कार्यक्रममा पुगेर राहुललाई पक्राउ गर्यो । पूर्व प्रेमिकाले बिहे भइरहेको ठेगानाबारे प्रहरीले टेलिफोनबाट तत्कालै जानकारी दिएकी भारतीय सञ्चारमाध्यमले जनाएका छन् ।
अकस्मात यस्तो घटना भएपछि सबै हेरेको हेर्यै भए । राहुलले आफ्नो घरबाट टाढा काकाको घरमा गएर बिहे गर्न खोजेका थिए ।
राहुलकी पूर्व प्रेमिका शिक्षिका हुन् । राहुलले बिहे गर्ने आश्वासन दिएर शारीरिक शोषण गरेको र अन्तिममा धोका दिएको उजुरी पूर्व प्रेमिकाले प्रहरीमा दिएकी छन् । पहिला राहुल र पूर्व प्रेमिका धनबादको एकै स्कूलमा काम गर्ने र स्कूलमा कार्यरत रहँदा प्रेम भएको प्रहरीले जनाएको छ ।
