वरुण धवनले यसअघि कहिल्यै नगरेको रोल नयाँ फिल्ममा गर्न लागेका छन् । 

उनको फिल्म भेडियाको फर्स्ट लूक पोस्टर सार्वजनिक गरिएको छ । 

रातो रंग भएको फिल्मको टाइटल अनि कालो रहस्यमा पोतिएको वरुणको लूक निकै भव्य देखिन्छ । 

फिल्ममा कृति सानोन पनि हुनेछिन् । 

हलिउडको स्पेसल इफेक्ट उपयोग गरिने यस फिल्मलाई अमर कौशिकले निर्देशन गर्नेछन् । 

कौशिकले भने, ‘भेडियाको कथामा आश्चर्यजनक दृश्यहरू रहनेछन् । यो नयाँ दिशा पहिल्याउने भीएफएक्स फिल्म मात्र नभई दर्शकलाई पूर्ण मनोरञ्जन दिने चलचित्र हुनेछ ।’

भेडियामा फिल्म निर्माताहरूले भिजुअल इफेक्टको जादू छर्ने बताएका छन् । 

यो फिल्म अर्को वर्ष नोभेम्बर २५ मा सार्वजनिक गरिनेछ ।