१० असार २०८३, बुधबार
मध्य प्रदेशको रीवाबाट भारतीय जनता पार्टी सांसद रहेका जनार्दन मिश्राले प्रधानमन्त्री नरेन्द्र मोदीको चर्को प्रशंसा गरेका छन् ।
उनले भने, ‘मोदीजीको दाह्री अमर छ । उहाँको दाह्रीबाट घर झर्छन् । एकपटकमा ५० लाख, अर्कोपटकमा एक करोड घर झर्छन् ।’
मिश्राले ३ नोभेम्बरमा दिएको बयान अहिले भाइरल भइरहेको हो ।
सेमरिया विधानसभा क्षेत्रमा सडकको भूमिपूजनका क्रममा उनले मोदीको महिमा गाएका हुन् । यस देशमा प्रत्येक व्यक्तिले घर नपाउन्जेल मोदीको दाह्रीबाट आवासै आवास निस्कने उनले बताए । एकचोटि दाह्री हल्लाउँदा ५० लाख घर, अर्कोचोटि हल्लाउँदा एक करोड घर झर्ने उनको भनाइ छ ।
प्रधानमन्त्री आवास योजना सफल भएको भन्दै मिश्राले प्रशंसा गरेका हुन् ।
