१९ असार २०८३, शुक्रबार
भारतले चीन र पाकिस्तानको सैन्य गठबन्धनलाई नजिकैबाट नियालिरहेको भारतीय जलसेना प्रमुख एडमिरल करमबीर सिंहले बताएका छन् ।
चीनले केही दिनअघि मात्र पाकिस्तानलाई एउटा युद्धपोत उपलब्ध गराएको छ ।
भारतमै बनेको पनडुब्बी आईएनएस वेला जलसेनालाई सुम्पिने समारोहमा एडमिरल सिंहले उक्त भनाइ राखेका हुन् ।
भारतले स्वदेशी विमानवाहक युद्धपोत आईएनएस विक्रान्तलाई सफलतापूर्वक समुद्रमा ट्रायल शुरू गरेको जानकारी पनि उनले दिए । सन् २०२२ को अगस्ट महिनासम्ममा यसलाई भारतीय जलसेनामा संलग्न गराइनेछ ।
आईएनएस वेला आएपछि देशको जलसेनाको शक्ति थप बढेको नेभी चीफले बताए । यसबाट समुद्री सीमाको सुुरक्षालाई थप बलियो बनाउन सकिने उनको कथन छ ।
प्रोजेक्ट ७५ अन्तर्गत भारत र फ्रान्स मिलेर पनडुब्बी बनाउँदैछन् । तीमध्ये आधा पनडुब्बी तयार भइसकेका छन् ।
