नेकपा एमालेको दशौं महाधिवेशनमा केन्द्रीय कमिटीमा अध्यक्ष केपी शर्मा ओलीले प्रस्ताव गरेको सूची बाहिरबाट ३० नेताले केन्द्रीय सदस्यमा उम्मेदवारी दिएका छन्  ।

खुल्लातर्फबाट सुरेन्द्र मानन्धर, नरेश खरेल, कमल तिमल्सिना, निर्मल भट्टराई र पदम राज जोशीले ओलीले प्रस्ताव गरेको सूची बाहिरबाट केन्द्रीय सदस्यमा उम्मेदवारी दिएका छन् ।

आदिवासी जनजाती कोटामा निर्माण बुढा र सुवास कर्मचार्यले उम्मेदवारी दिएका छन् । 

यस्तै सम्पर्क समन्वयमा जानुका रोका, मधेशी कोटामा विल्टु यादव र शम्भु प्रसाद गुप्ता, दलित कोटामा नर बहादुर विक, अनुभूति बम, थारु कोटामा जय प्रकाश थारुले सूची बाहिरबाट उम्मेदवारी दिएका छन् । 

यस्तै मुस्लिम कोटाबाट ईस्लाम हवारी, नजिर मियाँ, पिछडिएको कोटाबाट भरत साउद र लाल बहादुर रावलले उम्मेदवारी दिएका छन् ।

यस्तै , प्रदेश १ बाट धर्मराज निरौला, पर्शुराम अधिकारी र दुर्गाकुमार थापा, बागमति प्रदेशबाट केदार क्षेत्री र रामवीर मानन्धर, सुदूरपश्चिमबाट कृष्ण प्रसाद जैसी, दीपक प्रकाश भट्ट, सहदेव बोगटी, कलसादेवी महरा, पशुपति कुँवर, मन्जु मलासी र कर्णालीबाट योगेन्द्र बहादुर शाहीले उम्मेदवारी दिएका छन् ।

त्यसबाहेक अध्यक्षमा भीम रावल, उपाध्यक्षमा घनश्याम भुसाल, सचिवमा भीम आचार्य र टंक कार्कीले ओलीले प्रस्ताव गरेको सूचीभन्दा बाहिरबाट उम्मेदवारी दर्ता गरेका छन् । 

सूचीभन्दा बाहिरबाट केन्द्रीय सदस्यमा उम्मेदवारी दिएकाहरूलाई नेताहरूले ‘कन्भिन्स’ गरेर नाम फिर्ता गराउने प्रयास गरिरहेका छन् । 

सोही कारण उम्मेदवारको अन्तिम सूची प्रकाशनमा ढिलो भइरहेको छ ।