दक्षिण अफ्रिकामा सफारीमा गएका पर्यटकहरू बसेको जीपमा विशाल हात्तीले आक्रमण गरेपछि उनीहरूको भागाभाग भएको छ । 

क्रुगर राष्ट्रिय निकुञ्जमा आइतवार प्रशिक्षण लिइरहेका गाइडहरूको गाडीमा भाले हात्तीले आक्रमण गरेको थियो । हात्तीको यौनको सीजन भएकाले ऊ आक्रामक बनेको बताइएको छ । 

घटनाको भिडियोमा खुला जीप साँघुरो बाटो हुँदै जाँदा हात्ती अचानक आइपुगेको अनि गाडीलाई सडकबाट उठाएको देखिन्छ । 

तेह्र फीट अग्लो हात्तीले गाडी पल्टाइदिएपछि तीनजना महिला विद्यार्थीहरू ज्यान जोगाउन भागेका थिए । 

हात्तीको दाह्रा जीपमा धसेर ध्वस्त पारेको थियो । उसले गाडीको एक छेउ कुच्याइदिएको थियो अनि अगाडि र पछाडिको सीट बंग्याएर भत्काइदिएको थियो । 

प्रशिक्षण लिइरहेकाहरूलाई सफारी लज लगेर मनोवैज्ञानिक परामर्श दिइएको थियो । उनीहरूलाई चोटपटक लागेको छैन । 

हात्तीको झुण्ड पर गएपछि गाडी लिन कर्मचारीहरू पुगेका थिए । 

गाडीहरू ढोइको नजिक गएपछि रिसाएको मत्ता हात्तीले आक्रमण गरेको विश्वास गरिएको छ ।