भारतको पंजाब राज्यको खरडमा तीव्र गतिमा गुडिरहेको एक कारले डिभाइडरमा उभिएका दुई मानिसलाई ठोकेको खतरनाक भिडियो सार्वजनिक भएको छ । 

कारको गति तीव्र हुनाले दुवै युवकलाई लगभग १० फीटसम्म उफारेर सडकपारि फालेको थियो । कार स्ट्रीट लाइटको पोललाई भत्काउँदै कैयौं फीटसम्म घिस्रिँदै गएको थियो । 

दुर्घटनामा चारजनाको मृत्यु भएको छ र कैयौं मानिस घाइते छन् । 

खरड लुधियाना हाइवेमा मर्नेमा बाटोमा रहेका दुई र कारमा रहेका दुईजना छन् । 

आइतवार साढे दुई बजे घटना भएको हो । 

लगभग १२ चोटि पल्टा खाएर कार रोकिएको थियो । त्यो फूटओभर ब्रिजमा पनि ठोकिएको थियो । 

हाईवे पार गर्नका लागि डिभाइडरको बीचमा उभिएका सुरन्दिर सिंह छिन्दा र जमील खानले अनियन्त्रित कार देखेका थिए । उनीहरू बच्नका लागि अलिकति पछि हटेका पनि थिए । तर कारले उनीहरूलाई उडाइदियो । 

दुवैजनाको मृत्यु घटनास्थलमै भएको थियो । 

कारमा पाँचजना युवक थिए । कारचालक संजीत कुमारको घटनास्थलमा मृत्यु भएको छ । विक्रमजीतको चण्डीगढ अस्पताल लैजाँदै गर्दा मृत्यु भयो । राहुल यादव र अंकुश तथा अन्य एक युवक घाइते छन् । 

क्षतिग्रस्त कारमा रक्सीका बोतलहरू भेटिएका छन् । 

भिडियो हेर्न तलको लिंकमा क्लिक गर्नुहोला :
https://dainik-b.in/cK0Gej9hBlb