२४ जेठ २०८३, आइतबार
बेलारुसका राष्ट्रपति अलेक्जेन्डर लुकाशेन्कोले युक्रेनको राजधानी कीभ पनि आफूहरूकै हो भनेपछि युक्रेनले नेटोलाई रुसी आक्रमणबाट बचाउन अनुरोध गरेको छ ।
रुसका राष्ट्रपति भ्लादिमिर पुटिनको समर्थन पाएका लुकाशेन्कोको यस बयाने पश्चिमलाई झस्काएको छ ।
पुटिनले युक्रेन सीमामा ९४ हजार सैनिकहरू पठाएपछि रुसी आक्रमणको आशंका गरिएको छ । सन् २०१४ मा रुसले क्राइमिया कब्जा गरेभन्दा खतरनाक आक्रमण हुने आशंका छ ।
उता युक्रेनले आफ्नो कुल सैनिकको आधा अर्थात् १ लाख २५ हजार सैनिकहरू डोनबास क्षेत्रमा पठाएको रुसले दाबी गरेका छ । उक्त क्षेत्रमा सरकारी सुरक्षा बलले रुसको समर्थन प्राप्त पृथक्तावादीहरूसँग विगत आठ वर्षदेखि लड्दै आएका छन् ।
लाट्भियामा भएको नेटोको सम्मेलनमा युक्रेनका परराष्ट्रमन्त्री दिमित्रो कुलेबाले तीनवटा तरिका अपनाएर रुसको आक्रमण रोक्न सकिने बताए । मस्कोसँग संवाद, प्रतिबन्धको धम्की तथा कीभलाई सैन्य सहयोग ती तरिका भएको उनको भनाइ छ ।
त्यसको जवाफमा पुटिनले नेटोको थप विस्तार रोक्नका लागि पश्चिमले दिने प्रत्याभूतिलाई मस्कोले अपेक्षा गरिरहेको बताएका छन् ।
यसैबीच रुस र अमेरिकाका परराष्ट्रमन्त्रीबीच स्टकहोममा युक्रेनकै विषयमा वार्ता हुन लागेको छ ।
