झापाको बिर्तामोड–५ मा रहेको सुनगाभा इङ्गलिस स्कूलका एक शिक्षकले विद्यार्थीलाई निर्घात कुटपिट गरेका छन् । 

विद्यालयका शिक्षक विकास पोखरेलले ३ कक्षामा अध्यनरत ९ वर्षीय विद्यार्थी अविरल तिम्सिनालाई कुटपिट गरेका हुन् ।

पीडित विद्यार्थीले आफूलाई सोधेको कुरा नआउँदा शिक्षकले पिटेको बताए ।
 
अभिभावकले शिक्षकले माफी माग्नुपर्ने र कानूनी कारवाही भोग्नुपर्ने माग गरेका थिए । त्यसपश्चात् विद्यालय प्रशासनले शिक्षकलाई भगाएको थियो ।

आफ्नो नानीलाई शिक्षकले कुटेपछिको चोट हेर्न नसकेको र आफ्नो मन पनि थाम्न नसकेको आमा अन्जना तिम्सिनाको भनाइ छ ।

छोराको खुट्टा र गालामा भएको चोट हेर्दै आमा अञ्जना भन्छिन्, ‘यो विद्यालय कि यातनालय ? यस्ता शिक्षकलाई कारबाही होस् ।’