१० असार २०८३, बुधबार
गायिका प्रिया भण्डारी विवाह बन्धनमा बाँधिएकी छिन् ।
स्थायी घर पाल्पा भएका प्रभात अधिकारीसँग भण्डारीले आइतवार बुटवलमा विवाह गरेकी हुन् । अधिकारी अमेरिका बस्छन् ।
२०७४ सालको चुनावको पूर्व सन्ध्यामा ‘मै पनि एमाले, सही पनि एमाले’ बोलको गीत गाएर भण्डारी एकाएक चर्चामा आएकी थिइन् ।
पछिल्लो पटक एमालेका ठूला कार्यक्रममा भण्डारीले गीत गाउँदै आएकी थिइन् ।
नेकपा विभाजनको समयमा भण्डारीले नै ‘अभियान छोडेर नजाऊ साथी हो, एकता तोडेर नजाऊ साथी हो’ बोलको गीत गाएकी थिइन् ।
आइतवार भएको विवाह समारोहमा नेकपा एमालेका केन्द्रीय सदस्यहरू खिमलाल भट्टराई, लीला गिरी र भूमिश्वर ढकाल तथा अनेरास्ववियुका उपाध्यक्ष यम पाण्डेलगायत सहभागी थिए ।
