ईसेवा मनि ट्रान्सफरले चाडपर्वलाई लक्षित गर्दै ल्याएको ‘चाडपर्वको बहार दिनदिनै उपहार’ योजनाअन्तर्गत बम्पर उपहार विजेतालाई ‘होन्डा डिओ स्कुटी’ हस्तान्तरण गरेको छ । 

यस योजनाअन्तर्गत विदेशबाट ईसेवामनी ट्रान्सफरमार्फत पैसा पठाएका हजारौंमध्ये गोलाप्रथाद्वारा स्विडेनमा बसोबास गर्दै आएका ‘पूर्णप्रसाद शर्मा’ विजेता घोषणा भएका थिए । शर्माले रेमिट्लीबाट ईसेवामनी ट्रान्सफरमार्फत् नेपालमा पैसा सीधै बैंक डिपोजिट गरेका थिए । विजेता स्वीडेनमै रहेकाले उनका प्रतिनिधिले उपहार लिएका थिए । 

विजेताका प्रतिनिधिलाई साँचो हस्तान्तरण ईसेवामनी ट्रान्सफरका प्रबन्ध निर्देशक अजेस कोइरालाले गरेका थिए । असोज २ गतेबाट शुरू भएर मंसिर २ मा समापन भएको ‘चाडपर्वको बहार दिनदिनै उपहार’ योजनामा, बम्पर उपहार ‘होन्डा डिओ स्कुटी’ का अलावा मासिक विजेतालाई ४३ इन्चको टेलिभिजन, साप्ताहिक विजेतालाई रेफ्रिजेरेटर र दैनिक विजेतालाई मिक्सरग्राइण्डर प्रदान गरिएको थियो । 

हाल ईसेवामनी ट्रान्सफरको सेवा २६ अन्तर्राष्ट्रिय पार्टनरको माध्यमबाट संसारका २०० बढी मुलुकमा पुगिसकेको हुनाले योजनामा उल्लेखनीय सहभागिता देखिएको कम्पनीले जनाएको छ ।