२८ जेठ २०८३, बिहीबार
रूपन्देहीका दुई विद्यार्थीले कक्षा १२ को परीक्षामा नेपाल ‘टप’ गरेको दाबी गर्दै उनीहरूलाई सम्मान गरिएको छ ।
तिलोत्तमा योगिकुटीस्थित तिलोत्तमा माविका व्यवस्थापन संकायका छात्र विक्रम तिवारी र छात्रा क्रिसला लामाले ३.९२ जीपीए ल्याएका छन् ।
उक्त अंक नेपालकै सबै विद्यालयका विद्यार्थीको भन्दा धेरै रहेको विद्यालयका प्राचार्य डा. रामचन्द्र आचार्यले दाबी गरे । राष्ट्रिय परीक्षा बोर्डले यही मंसिर १७ गते परीक्षाफल सार्वजनिक गरेको थियो ।
कोरोना महामारीको कारण दुई पटक स्थगित भएको परीक्षा भदौ ३० देखि असोज ८ गतेसम्म सञ्चालन भएको थियो ।
त्यस्तै विज्ञान संकायतर्फका विद्यार्थी असीम भण्डारीले ३.८६ जीपीए ल्याएर नेपाल द्वितीय भएको कलेजको दाबी छ ।
कलेजका ७६० विद्यार्थीमध्ये ७५६ जना विद्यार्थीले ३ जीपीएभन्दा माथि ल्याएका छन् ।
विद्यार्थी विक्रमले नियमित, परिश्रमी र इमान्दार भएर अध्ययन गर्ने हो भने सफलताको सिँढी चढ्न कुनै विशेष दिन कुर्नु नपर्ने बताए ।
पोखरा विश्वविद्यालयबाट सम्बन्धन प्राप्त विद्यालयले कक्षा ११ र १२ मा विज्ञान, व्यस्थापनसँगै बीबीएका कार्यक्रमहरू पनि सञ्चालन गरेको छ ।
