२०७७ भदौ ३० मा पहिलो आउटलेट खोलेर शुरू भएको  नेपालकै फास्टेस्ट ग्रोइङ रिटेल चेन साथीमार्टको ब्राण्ड एम्बेसडरमा महानायक राजेश हमाल नियुक्त भएका छन् । बिहीवार राजधानीना आयोजित एक कार्यक्रममा हमालले मार्टसँगको अवद्धतामा हस्ताक्षर गरेका हुन् ।  

काठमाडौंमा मात्र मार्ट सफल हुन सक्छ भन्ने परम्परालाई हटाउँदै साथीमार्ट शुरूवातको १६ महिनामा सातै प्रदेशका सहरमा ७ दर्जन बढी आउटलेट सञ्चालन गर्दै काँकडभिट्टादेखि दार्चुला अनि जिरीदेखि ढल्केबर पुग्न सफल भएको दाबी गरिएको छ । 

साथीमार्टका अनुसार आधिकारिक वेबसाइट www.saathimart.com मा आफूलाई आवश्यक सामान रोजेर अर्डर गर्न सकिन्छ । हाल मोबाइलमा एण्ड्रोइड भर्सनमा साथीमार्टको मोबाइल एप उपलब्ध छ भने छिट्टै आइओएसमा पनि एप उपलब्ध हुने साथीमार्टले जनाएको छ ।