२४ जेठ २०८३, आइतबार
यूएईमा हुने एसीसी यू–१९ एसिया कप क्रिकेट प्रतियोगितामा सहभागी हुने नेपाली टीमलाई बिदाइ गरिएको छ ।
सोमवार काठमाडौंमा आयोजित एक कार्यक्रमबीच युवा तथा खेलकुद मन्त्री महेश्वरजंग गहतराज ‘अथक’ र नेपाल क्रिकेट संघ (क्यान) का अध्यक्ष चतुरबहादुर चन्दले यू–१९ क्रिकेट टीमलाई बिदाइ गरे ।
डिसेम्बर २३ देखि यूएईमा हुने प्रतियोगिता खेल्न जाने नेपाली टीमलाई बिदाइ गर्दै युवा तथा खेलकुद मन्त्री अथकले नेपालमा क्रिकेटको भविष्य राम्रो भएको उल्लेख गरे । सधैंझैं यस पटक पनि नेपाली खेलाडीले राम्रो खेल प्रदर्शन गर्नेमा आफू ढुक्क रहेको बताउँदै मन्त्री अथकले उच्च मनोबलका साथ खेल्दै उपाधि हासिल गर्न शुभकामना समेत दिए ।
एसिया कपमा नेपालसँगै आयोजक यूएई, भारत, पाकिस्तान, बंगलादेश, श्रीलंका, अफगानिस्तान र कुवेतको सहभागिता रहने छ । प्रतियोगितामा सहभागी हुने नेपाली टीम सोमवार राति नै यूएई प्रस्थान गर्नेछ ।
