सरकारले आइतबारदेखि स्वयम्भुबाट पनि लाइसेन्स वितरणको काम शुरु गरको छ । ठूलो भ¥याङमा रहेको यातायात कार्यालयबाट लाइसेन्स वितरणको सुरुवात आइतबार रमेश लेखकले गरे ।

कार्यालयले भोलिबाट नविकरणको काम शुरु गर्ने छ । आगामी आइतबारबाट भने लाइसेन्सका सबै काम सुरु हुने यातायात व्यवस्था बिभागले जनाएको छ ।

कार्यालयमा सवै भौतिक साधान नभएका कारण लाइसेन्स वितरणको काम भने आइतबारबाट मात्र हुने छ । कार्यालयले ट्रायल सेन्टर भाडामा लिएर ट्रायलको काम गर्ने जनाएको छ ।

यो सँगै काठमाडौंका चावहिल र भक्तपुरमा पनि लाइसेन्स बनाउँने स्थान खोल्न प्रधानमन्त्री पुष्पकमल दाहाल प्रचण्डले यसअघि निर्देशन दिइसकेका छन् । अब ती स्थानमा पनि कार्यालयहरु खुलेपछि लाइसेन्स वितरणको काम सहज हुने विभागको विश्वास छ ।

स्वयम्भु कार्यालयको उद्घाटन गर्दै यातायात मन्त्री रमेश लेखकले सेवाग्राही दुख नपाउने गरी लाइसेन्स वितरण गर्ने व्यवस्था मिलाउन निर्देशन दिए । उनले एक घण्टा भित्र लाइसेन्सको सबै प्रक्रिया पुरा हुने दावी समेत गरे ।