कोरोना  भाइरस  (कोभिड–१९) को चौतर्फी सङ्क्रमण बढेसँगै सुरक्षाकर्मीमा  सङ्क्रमित  हुनेको  सङ्ख्या  बढ्दै गएको छ ।

कोरोना सङ्क्रमणबाट नेपाली सेना, नेपाल प्रहरी, सशस्त्र प्रहरी तथा राष्ट्रिय अनुसन्धान  विभागमा  कार्यरतमध्ये  एक  हजार ७२१ जनामा सङ्क्रमण पुष्टि भएको छ  ।

 कोरोना  सङ्क्रमण  नियन्त्रण  तथा  व्यवस्थापनको  काममा  सुरक्षाकर्मीहरू  प्रत्यक्ष  तथा  अप्रत्यक्ष  रूपमा  खटिँदै  आएका छन् ।

चारवटा  सुरक्षा  निकायमध्ये  पहिलो  पङ्क्तिमा  खटिने  नेपाल  प्रहरीमा  कार्यरत  सुरक्षाकर्मीमा  सबैभन्दा  बढी  ९५५  जनामा  कोरोना  सङ्क्रमण  देखिएको  छ  । गोरखापत्र दैनिकमा खबर छ ।