चीनका अनुसन्धाताहरूले ६जी प्रविधिमा काम गरिरहेका छन् । यसैबीच उनीहरू नयाँ पुस्ताको ताररहित सञ्चारमा चीनलाई अमेरिका तथा अन्य मुलुकभन्दा निकै अगाडि पार्ने गरी डेटा स्ट्रीमिङमा निकै अघि बढिसकेको पाइएको छ । 

अनुसन्धाताहरूले एक सेकेन्डमा एक टेराबाइट डेटा एक किलोमिटर पर पठाएका छन् । भोर्टेक्स मिलिमिटर वेभ उपयोग गरेर उनीहरूले कीर्तिमान हासिल गरेको साउथ चाइना मर्निङ पोस्टले खबर दिएको छ । 

भोर्टेक्स मिलिमिटर भन्नाले एकदमै उच्च फ्रिक्वेन्सीको रेडियो वेभ हो जुन द्रुत गतिमा घुम्छ । 

सिन्ग्वा विश्वविद्यालयको स्कूल अफ एयरोस्पेस इन्जिनीयरिङका प्राध्यापक चाङ चाओले बुधवार एक विज्ञप्ति जारी गरेर परीक्षणात्मक ताररहित सञ्चार सेवाका बारेमा जानकारी दिए । उक्त प्रविधिमार्फत बेइजिङ ओलम्पिक कम्पाउन्डमा १० हजारवटा हाई डेफिनिसन लाइभ भिडियो फीडहरू एकैपटक स्ट्रीम गर्न सकिएको उनले बताए । 

हाइपरसोनिक हतियारले ६जी प्रविधि उपयोग गरेर लक्ष्यहरू पत्ता लगाउन सक्ने परीक्षण पनि भइसकेको जानकारी उनले दिए । ध्वनिको भन्दा पाँचगुणा बढी गतिमा समेत सञ्चारसेवा कायम रहने परीक्षणमा पाइएको छ । 

चीनले भविष्योन्मुखी ६जी प्रविधिमा युद्धस्तरमा काम गरिरहेको धेरैपटक संकेत दिइसकेको छ । चाङ र उनका सहयोगीहरूका अनुसार, भोर्टेक्स वेभहरूले ताररहित ट्रान्समिसनमा नयाँ आयाम थपेका छन् । यस्तो किसिमको सञ्चार यसअघि कहिले पनि देखिएको थिएन । 
 

China sets #6G speed world record, 10 to 20 times faster than #5G. pic.twitter.com/CKb1MD6iar

— Ambassador Deng Xijun (@China2ASEAN) January 8, 2022