एमसीसीको पक्षमा बोलेको भन्दै विश्लेषक अरुण सुवेदीलाई ज्यान मार्ने धम्की

राजनीतिक विश्लेषक अरुणकुमार सुवेदीले आफूलाई निरन्तर धम्की आउन थालेको बताएका छन् ।

एमसीसीको पक्षमा बोलेको भन्दै फोनमार्फत् ज्यान मार्नेसम्मका धम्की निरन्तर आइरहेको सुवेदीले बताए ।

'पछिल्लो समय अन नन् नम्बरहरूबाट निरन्तर फोन गरेर ज्यान मार्ने, कुटपिट गर्ने तथा देखाइदिन्छौं भन्ने धम्कीहरू आइरहेको छ,' सुवेदीले लोकान्तरसँग भने ।

उनले यस विषयमा सरकारको ध्यानाकर्षण गराउने तयारी गरेको पनि बताए ।

सुवेदीले एमसीसी सम्झौता नेपालको हितमा रहेको भन्दै यसलाई संसदबाट अनुमोदनका लागि निरन्तर पैरवी गर्दै आएका छन् । 

उनी भूराजनीतिक विषयमा बोल्ने खरो विश्लेषकका रूपमा परिचित छन् ।