०५ साउन २०८३, मंगलबार
युक्रेनका राष्ट्रपति भोलोदीमीर जेलेन्स्कीका एक सल्लाहकारले रुसमाथि गम्भीर आरोप लगाएका छन् ।
रुसी सेनाले युक्रेनीहरूमा त्रास फैलाउन आवासीय क्षेत्र र नागरिक संरचनामा जानाजान आक्रमण गरिरहेको उनले बताए ।
‘मुखौटो उत्रियो । रुसले सक्रिय रूपमा शहरका केन्द्रमा आक्रमण गरिरहेको छ । उसले आवासीय क्षेत्र र प्रशासनिक केन्द्रमा सिधै क्षेप्यास्त्र र आर्टिलरी आक्रमण गरेको छ,’ मिखाइलो पोदोल्याकले बताए ।
‘रुसको लक्ष्य स्पष्ट छ । आमजनतामा त्रास फैलाउने, नागरिक हताहती गराउने र पूर्वाधार नष्ट गर्ने । युक्रेनले शिष्टताका साथ युद्ध लडिरहेको छ,’ उनले बताए ।
रुसले युक्रेनमा विशेष कारवाही गरिरहेको र देशको भूमि ओगट्ने लक्ष्य नरहेको बताएको छ । युक्रेनको सैन्य क्षमतालाई नष्ट गर्न र खतरनाक राष्ट्रवादीहरूलाई कब्जा गर्न आफूले कारवाही चलाएको रुसको भनाइ छ ।
