०९ असार २०८३, मंगलबार
बाँकेमा नरभक्षी भनिएको पाटेबाघ नियन्त्रणमा लिइएको छ ।
राप्तीसोनारी गाउँपालिका–६ स्थित राप्तीपीडित सामुदायिक वन क्षेत्रबाट सो पाटेबाघलाई नियन्त्रणमा लिइएको हो ।
बाघलाई नियन्त्रणमा लिन डिभिजन वन कार्यालय बाँके, बाँके राष्ट्रिय निकुञ्ज, एनटीएनसी, नेपाली सेना, नेपाल प्रहरीलगायत संयुक्त रुपमा खटिएका थिए ।
सो भाले बाघलाई डार्ट गरी नियन्त्रणमा लिइएको हो ।
पछिल्लो ६ महिना यता बाँकेको राप्तीसोनारी क्षेत्रमा मात्रै पाटेबाघको आक्रमणबाट ५ जनाको मृत्यु भइसकेको छ ।
